Желтоқсанның 8-iнде 32-ге толатын Саматтың ел футболына қосқан үлесi ұшан-теңiз. Сонысына қарай атақ-марапатқа да жиi iлiндi. Ол 6 рет Қазақстан чемпионы атанды; екi мәрте Қазақстан Кубогын жеңiп алды; екi рет Қазақстан суперкубогын иелендi; 2003-2009 жылдар аралығында Қазақстанның “үздiк футболшысы” атағын иемдендi. Ұлттық құрама сапына 2000 жылы шақырылып, 31 наурызда Иордания ұлттық құрамасына қарсы алаңға шықты. Құрама сапындағы алғашқы голын 2007 жылы 12 қыркүйекте Қазақстан – Бельгия кездесуiнде соқты. Бернд Шторк жастарды баптап жүрiп, ұлттық құрама бапкерлiгiне бекiгенде, тiзiмнен Смақовты сызып тастаған болатын. Алайда осы жылдың 9 ақпанында Беларусь құрамасына қарсы ойында Беранек Смақовты құрамаға қайта шақырды. Футболды алты жасынан бастаған Смақовқа алғаш доп тепкiзген бапкерi Н. Десембаев екенiн екiнiң бiрi бiле бермейдi. 1997 жылға дейiн семейлiк “Елiмай” футбол клубының қосалқы құрамында жүрдi. Тек 19 жасында ғана негiзгi құрамға iлiктi. Одан кейiн павлодарлық “Ертiсте”, ресейлiк “Ростельмаш” клубында қорғаушы болды. 2002 жылы “Астанаға” оралған ол көп тұрақтаған жоқ, байырғы клубы “Елiмайға” қайта барды. Одан кейiн 3 жыл алматылық “Қайраттың” қорғаушысы ғана емес, капитаны да болды. 2007 жылдан берi “Ақтөбенiң” “отымен кiрiп, күлiмен шығып” келдi.
Источник:
http://www.alaman.kz/
Сайт болельщиков ФК "Актобе" 2010-2016
Дизайн логотипа сайта- Бекбаганбетов Калыбек
На сайте использовались фото и видеоматериалы с официального сайта ФК Актобе fc-aktobe.kz
Мнение Администрации может не совпадать с мнением пользователей сайта
